આ તારીખે બંધ થઈ જશે mAadhaar એપ! જાણો નવી એપમાં કેવા છે ફીચર્સ?

જો તમે mAadhaar એપનો ઉપયોગ કરી રહ્યા છો તો આ સમાચાર તમારા માટે ખૂબ જ મહત્ત્વપૂર્ણ છે. માહિતી અનુસાર, ભારત સરકારની એજન્સી UIDAI એ mAadhaar એપને બંધ કરી દીધી છે. જો કે, નવી આધાર એપ ડાઉનલોડ માટે પહેલાથી જ ઉપલબ્ધ છે. આ એપ UIDAI દ્વારા જ બનાવવામાં આવી છે. નવી એપમાં ઘણા એવા નવા ફીચર્સ છે, જેના થકી યુઝર્સ તેમના આધાર કાર્ડને વધુ સુરક્ષિત રાખી શકશે અને યુઝર્સની વ્યક્તિગત માહિતી લીક થવાથી બચાવી શકાશે.

વધુમાં, આ નવી એપ વડે, યુઝર્સ હોટેલ, એરપોર્ટ અથવા બીજે ક્યાંય પણ પોતાની બધી માહિતી શેર કર્યા વિના સરળતાથી પોતાની ઓળખ વેરિફાઇ કરાવી શકે છે. નવી આધાર એપની અદ્ભુત સુવિધાઓ વિશે જાણો.....

1. વેરિફિકેશન અને ફેસ ઓથેન્ટિકેશન

નવી આધાર એપમાં જૂના સિમ વેરિફિકેશન અને ફિઝિકલ ફિંગરપ્રિન્ટ સ્કેનરને બદલે ફેસ ઓથેન્ટિકેશન સુવિધા આપવામાં આવી છે. આથી, વેરિફિકેશન પહેલા કરતા વધુ સરળ અને વધુ સુરક્ષિત બન્યું છે. આ ફીચર તમને એપમાં સરળતાથી લોગઇન કરવાની, તમારી ઓળખ ચકાસવાની અને જરૂર પડે ત્યારે તમારી ઉપસ્થિતિનો પુરાવો આપવાની સુવિધા પણ આપે છે. આ ફીચર નવી એપને જૂની એપ કરતા અલગ અને વધુ અદ્યતન બનાવે છે.

2. પસંદગીયુક્ત વિગતો શેર કરવી

જૂની એપ તમારી વ્યક્તિગત માહિતી પર સંપૂર્ણ નિયંત્રણ આપતી નહોતી. જો કે, નવી એપ વડે, તમે નક્કી કરી શકો છો કે કઈ માહિતી શેર કરવી અને કઈ બાકાત રાખવી.

3. QR કોડ થકી ઓફલાઇન વેરિફિકેશન

નવી આધાર એપમાં QR કોડ ફીચરને સામેલ કરવામાં આવ્યું છે, જે માસ્ક્ડ કરેલા આધાર કરતા પણ વધુ સુરક્ષિત માનવામાં આવે છે. હોટેલ, એરપોર્ટ અથવા અન્ય સ્થળે ચકાસણી માટે ફક્ત QR કોડ સ્કેન કરવાની જરૂર રહેશે. આનાથી સામેની વ્યક્તિ તમારી સંપૂર્ણ વ્યક્તિગત માહિતી જોઈ શકશે નહીં.

4. બાયોમેટ્રિક લોક-અનલોક

જો તમે તમારા ફિંગરપ્રિન્ટ ડેટાને સુરક્ષિત રાખવા માંગતા હો, તો નવી એપમાં બાયોમેટ્રિક લોક અને અનલોક ફીચરનો પણ સમાવેશ કરવામાં આવ્યો છે. આનાથી તમે કોઈપણ સમયે તમારા બાયોમેટ્રિક ડેટાને લોક અથવા અનલોક કરી શકો છો અને જો જરૂર પડે તો વેરિફિકેશન કરી શકો છો.

5. મોબાઇલ નંબર અને એડ્રેસ અપડેટ

જો તમારે આધાર સાથે લિંક કરેલ તમારો મોબાઇલ નંબર બદલવાની જરૂર હોય, તો હવે આધાર કેન્દ્રની મુલાકાત લેવાની જરૂર નથી. નવી આધાર એપ્લિકેશન સાથે, તમે ઘરેથી તમારા મોબાઇલ નંબરને અપડેટ કરી શકો છો. આ પ્રક્રિયા એકદમ સરળ છે. ઉપરાંત, તમારે હવે તમારું એડ્રેસ ચેંજ કરવા માટે પણ આધાર કેન્દ્ર જવાની અને લાંબી કતારોમાં ઊભા રહેવાની જરૂર નથી. હવે, તમે ઘરે બેઠા જ નવી આધાર એપથી થોડા જ સમયમાં તમારું સરનામું અપડેટ કરી શકો છો.

6. એક જ એપ્લિકેશનમાં સંપૂર્ણ પરિવારનો આધાર ડેટા

હવે, એપના માધ્યમથી ઘરનો એક સદસ્ય જ સમગ્ર પરિવારની આધાર પ્રોફાઇલનું સંચાલન કરી શકે છે. આ સુવિધાની મદદથી એક જ એપ્લિકેશનમાં 5 જેટલા લોકોની આધાર પ્રોફાઇલને લિંક કરી શકાય છે. આનાથી જ્યારે પણ જરૂર પડે ત્યારે દરેકની આધાર વિગતોને ઍક્સેસ કરવાનું સરળ બને છે.

7. ડિજિટલ વોલેટ અને E-KYC ડાઉનલોડ

આ એપ તમારી વ્યક્તિગત માહિતી માટે ડિજિટલ તિજોરી તરીકે કામ કરે છે. આની મદદથી તમે તમારા ઈ-આધાર ડાઉનલોડ કરી શકો છો, OTP જનરેટ કર શકો છો અને તમારા ફોનમાં ઈ-કેવાયસી ફાઇલ પણ સરળતાથી ડાઉનલોડ કરી શકો છો.

8. ડિજિટલ કોન્ટેક્ટ શેર

જો તમારે તમારી કોન્ટેક્ટ ડિટેલ્સ શેર કરવાની જરૂર હોય, તો નવી આધાર એપ કોન્ટેક્ટ શેર ફીચર પણ ઓફર કરે છે. આનાથી તમારું નામ અને મોબાઈલ નંબર બીજા વ્યક્તિના ફોનની કોન્ટેક્ટ લિસ્ટમાં સરળતાથી સેવ થઈ શકે છે.

9. ઓથેન્ટિકેશન હિસ્ટ્રી

નવી આધાર એપમાં તમે પ્રોફાઇલ ટેબ પર જઈ તમારા આધાર કાર્ડની ઓથેન્ટિકેશન હિસ્ટ્રી જોઈ શકો છો. આનાથી તમને ખબર પડશે કે તમારા આધાર કાર્ડનો વેરિફિકેશન માટે ક્યારે અને ક્યાં ઉપયોગ થયો છે. આ ફીચર તમને તમારા આધાર ઉપયોગનું નિરીક્ષણ કરવાની મંજૂરી આપે છે. આ બધી નવી અને અદ્યતન સુવિધાઓ નવી આધાર એપમાં ઉપલબ્ધ છે. જણાવી દઈએ કે, જૂની mAadhaar એપ 30 જૂન, 2026 થી બંધ થઈ જશે.

આ પણ વાંચો - WhatsApp New Username Feature : હવે નંબર આપ્યા વગર જ અજાણ્યા લોકો સાથે ચેટિંગ કરો! નવા નિયમો થયા જાહેર